هو احنا ليه بنتعلم ؟!

هو احنا ليه بنتعلم ؟؟!

ده السؤالى الى سألته لنفسى لما كنت صغيرة وانا فى ابتدائى وكل الى كان بيجى فى دماغى وقتها انى بتعلم عشان الامتحانات 

ماهو انا هعرف اجابه تانيه منين وكل الى حواليا بيوجهونى لحاجه واحده بس انى اذاكر عشان الامتحانات وبس ..

كانو بيقولو عليا شاطرة ومتفوقه بس هى ايه معايير التفوق؟؟هل معايير التفوق انى اجيب درجات نهائيه فى الامتحان؟! ..

فى مرحلة الابتدائى مش فاكرة انى عملت اى شىء فيه ابداع غير انى ازرع الحلبه والفول فى القطن؟؟ ولما تطلع بحس انى انجزت انجاز اعظم من اكتشاف زويل للفيمتو ثانيه ..

وزراعة القطن والفول ده كان بيتكرر من اول لما اخدنا علوم لحد ماخلصنا الابتدائيه ..ده تقريبا الشىء العملى الوحيد الى عملناه وقتها ..

كنت بستغرب اوى لما المدرس يخلينا نكتب درس العربى 20 مرة عشان نحفظه ..لكن هيفيد بايه الاستغراب كنت بكتب وحسبى الله ونعم الوكيل ..بس الغريب بقى فى الموضوع انى مش بلاقينى حفظت الدرس مع ان المدرس بيجزم اننا لو عملنا زى مابيقول هنحفظ كويس جدا  ..

وطبعا مش قادرة انسى الجغرافيا الى كرهونى فيها عشان كل هم المدرسه اننا نرسم الخرائط على ورق الشفاف ونلزقه فى كشكول الصفحه والصفحه عشان الموجه لما يجى يلاقى الكشاكيل حلوة .

وخلصت ابتدائى وانا بردو كل معلوماتى عن التعليم انى بتعلم عشان امتحن ..

و مختلفش الامر كتير فى اعدادى وثانوى طريقة التدريس هى هى 

كله حفظ حفظ وكم كبير مش مهم احنا نستوعب ايه نفهم ايه ماهو كله هيتحفظ فى الاخر عشان الامتحان اهم حاجه الامتحان ..

وللاسف لم ينفعنى تمردى على التعليم فى مرحلة الثانويه 

كان لازم اسمع الكلام عشان المجموع الكبير وادخل كليات القمه والا يبقى مصيرى النار اصدى كليات القاع

..

مصطلح كليات القمه الى انا بكرهه جدا.. ليه قمه وقاع !!

ليه ميشفوش ميول ابنهم او بنتهم ايه 

بيحب يرسم ولا يكتب ولا بيحب الرياضه او يمكن بيحب الفيزيا او يمكن يحب يكون داعيه اسلامى او عالم او رسام او طيار 

عادى يعنى الدنيا مش طب وهندسه وخلاص

تفكير الاسرة وتفكير المدرسين ده لازم يتغير الاول قبل لما يبقى فى طرق جديده للتعليم 

لازم يعرفو ان الدنيا مش امتحانات وبس التعليم مش عشان الامتحان والمجموع وكليه القمه  وانى احفظ كلمتين عشان ارميهم فى ورقة امتحان

 عشان ربنا امرنى بكدا 

انا بتعلم عشان لازم اتعلم عشان انا 

انا بتعلم عشان اعرف اعيش 

عشان اعرف اقرأ قران عشان اعرف دينى وتاريخى 

عشان ادخل الكليه الى بحلم بيها 

عشان اعرف اتعامل مع الناس عشان يتسع افقى 

التعليم مش مقتصر على كتاب او مذكرة 

التعليم يعنى افهم ده ليه وازاى وجيه منين وبستخدم فين 

لازم كل اب وام يحطو فى ولادهم ده 

لازم كل مدرس ومدرسه يتوسع فكره وميجبرش طالب على كتاب او مذكرة معينه او طريقه معينه او اسلوب معين 

وبعد 11 او 12  سنه بنقضيها فى مرحلة الابتدائى والاعدادى ورعب الثانويه 

فى الاخر بنطلع ونكتشف اننا كان مضحوك علينا ونسينا كل الى خدناه واذا كنا فاكرين حاجه غالبا بتطلع غلط :(

رساله الى مجلس الشعب

بعد مذبحه بورسعيد
اليكم هذه الرساله ايها النواب
ايها النواب من لم تقومو بتوصيل صوتى
أخشى ان يحاسبنى الله لاعطاء صوتى لمن لا يقوم بتوصيله ؟
فمن يوصل صوتى الان ليس من انتخبته 
ماذا لو اعطيته له سابقا لكن هو الاغلبيه ولكان صوتى الان مسموعا 
الساده النواب انتبهوا ...اياكم ان تخذلونا انتم تتحدثون باسم الدين وباسم الشعب 
اين كلمة الحق فى وجه الظالم ... 
اين حق الدم الذى هُدر
انت من اخترتم ان تمثلونا ...اصبحتم برلمانا للثورة ..ليس لكم الحق فى ان تتخازلو عنا ..ليس لكم الحق فى عدم توصيل اصواتنا..ليس لكم الحق فى ان تتباطئو
ارجوكم قد سئمنا من قول انكم انتم الحكماء وانتم من تعرفون المصالح ونحن الشباب المتهور
.. تحركو ونحن ورائكم ..نحن وانتم لا نريد الا العدل والقصاص ..اليس هذا مافى ديننا
ماذا تنتظرون ...
اذا انتظرتم انتم فاعلمو اننا لا ننتظر
ان كنت تحتملون الدماء
فننحن لا نحتملها

رسالة وداع الى 2011

عزيزتى 2011
لقد كنتِ افضل السنوات واصعبها على الاطلاق 
فيكى تعلمت مالم اتعلمه طيلة حياتى 
فيكى شعرت بمشاعر انسانيه لم أشعر بها قط 
أضنانى البحث عن معنى حب الوطن فلم اجده الا عندما أتيتِ
كان التاريخ متوقفا قبلك اعواما حتى أتيتِ ففتح التاريخ مصرعيه لك ولم يلاحق المؤرخون الاحداث التى مرت خلالك
لقد اعدتِ لنا الامل بعد سرقته منا طويلا 
فيكى سقطت ملوك وطواغى وعلا مغمورون 
فيكى ازدهر الربيع العربى بعد خريف طال كثيرا بعد ما كاد اليأس ان يتمكن منا
كنتِ كفرسا ظل محبوسا اعواما طويله حتى سئمتى الصبر وفاض بكى الكيل وتحررتى من اسرك فانطلقتى وانطلقنا ورائك
تأخرتى كثيرا عزيزتى لكنك اتيتى
ولن نسمح لاحد ان ينزع منا ماجلبناه فيكى
سيذكرك التاريخ دائما بعام الانتفاضه والتغير
ستبقى محفورة بداخلنا دائما

سيرة العلامه العكاشى

  سأتحدث اليوم عن احد اهم الشخصيات وأبرزها على الاطلاق فى الأونه الاخيرة 
   انه العلامه (توفيق عكاشه )العكاشى 

 نشأته

كان هناك قبيله فى سالف الزمان  فى مكان ما على سطح المستطيل الارضى  تحديدا فى الضلع الرابع  الرأسى شمالا تدعى قبيله عكاشه وهى المنتسب اليها هذا التوفيق  

لم يظل هناك طويلا فسرعان ماهاجر مع قبيلته بحثا عن الجرير والبط واستقر فى نبروه فى محافظه الدقهليه (كان الله فى عون اهلها )

لكن من الواضح ان توفيق عكاشه تاثر كثيرا بهذه القبيله التى حتى الان لم يكتشف بعد مانوع الكائنات التى كانت تسكن عليها 

لكن لا يستطيع احد الانكار ان توفيق عكاشه متمثل امامنا فى صورة انسان 
 تعليمه
 يقال انه صحفى  

صاحب قناة تدعى الفتايين (من الفتى  بسكون الياء ) ومذيع بها ايضا 

والبعض  ينادونه ب دكتور ولكن لا احد يعلم حتى الان دكتور فى ماذا ؟

لكن البعض يستنتج انه حصل على الدكتوراه فى 

كيفيه تنميل أطراف المشاهدين واصابتهم بالامراض المزمنه  كالسكر والضغط 

او دكتوراه فى التمثيل و تأليف سيناريوهات الحلقات التى يقدمها  عبر قناته الفتايين 

 اكتشافاته ونظرياته 

نظرية  البط والجرير 

وتنص هذه النظريه على من يريد ان يرشح نفسه للانتخابات الرئاسيه لابد ان يكون لديه العلم بعد اعواد الجرير لكل حزمه تنتج فى الثانيه الواحده  وكيفيه تزغيط البط 

الاكتشاف العكاشى للشهر الميلادى وهواكشاف شهر 13 أو شهر عكاشمبر  

كان الجميع يظن ان العام 12 شهر حتى اتى لنا العلامه العكاشى واكتشف ان العام 13 شهر 

كما انه تنبا   بالماسون الاعظم الذى سياتى 13/13/2013  
  نشاطه السياسى 

كان نائب فى مجلس الشعب وكان تابع للحزب الوطنى  المنحل والمحظور حاليا 

احد مؤسسى حزب مصر القومى 

كان سيرشح نفسه للانتخابات الرئاسيه الا انه فضل ان يرشح نفسه كنائبا عن دائرته  نبروه فى مجلس الشعب 

عاتب المجلس العسكرى لاهماله له فى استفتاء الصفحه الرسميه للمجلس العسكرى على الفيس بوك عن مرشحى الرئاسه والتى لم يذكر فها اسمه 

احد اهم مهاجمى البرادعى حيث ان البرادعى لم ينطبق عليه نظريه البط والجر جير

وسيذكر التاريخ دوما انه اتى علينا اليوم ان يطلق لقب اعلامى  ومذيع وصاحب قناه  ونائب فى مجلس الشعب ومرشح محتمل لانتخابات الرئاسه على توفيق عكاشه 

وسيذكر ايضا انه اتى علينا الوقت الذى قارن فيه عكاشه نفسه بالبرادعى وانه اكثر وطنيه واعلم بحال الناس منه 

ويحز فى نفسى ماألقيه من  بنى وطنى المعجبين بتوفيق عكاشه وبيقولو عليه راجل جدع وحقانى وبيجيب حقائق 

وسيظل الزمان يأتى الينا بعجب العجاب